Santiago de Compostela, 23 de outubro 2026 ás 18 h (CET)
No marco do seu programa de Portas Abertas, ECOBAS organiza unha xornada de análise para abordar o debate que se está a producir no seo da xudicatura en España, nun contexto no que relevantes cargos das administracións públicas son investigados en relación coas súas actividades profesionais, obxecto de máximo interese e seguemento mediático, importantes implicacións na vida política e ampla repercusión social.
Cales son os límites deontolóxicos das actuacións de xuíces nos procesos de instrución? Como determinar os excesos, os abusos de autoridade? A cidadanía ten que percibir que os poderes públicos actúan debidamente, segundo a súa función. Que papel xoga a ideoloxía nos actos procesais? Jordi Nieva, Catedrático de Dereito Procesal da Universitat de Barcelona, analizará a fondo estas cuestións na a conferencia que impartirá baixo o título "A presunción da inocencia e a liberdade de prensa" o vindeiro venres 23 de outubro nun acto aberto á participación da cidadanía, que levaremos a cabo no Auditorio do Museo das Peregrinacións, en Santiago de Compostela. DESCARGAR PROGRAMA
📢PUBLICADA A CONCESIÓN DEFINITIVA DA PRAZA: 1126-183537
Finalizado o proceso de selección correspondente ao concurso de méritos para participar no proxecto de divulgación de ciencias sociais "Saberes con Poderes" no marco da convocatoria de FECYT 2025 para o fomento da cultura científica, con data 20 de outubro de 2026 a Universidade de Vigo ven de publicar a resolución reitoral coa concesión definitiva e as puntuación obtidas polas persoas candidatas.
A persoa que ocupará a posición, en categoría de persoal técnico medio de apoio á investigación, terá entre as súas funcións a creación de contidos audiovisuais, redacción de guións, produción de podcasts e a creación de materiais de comunicación e promoción do proxecto Saberes con Poderes, e será responsable de executar a estratexia de difusión en canles propias e medios.
Consulta aquí toda a documentación da convocatoria: Concurso Público de Méritos 11/26 para a contratación de persoal de investigación da Universidade de Vigo
*** Contrato cofinanciado pola Fundación Española para la Ciencia y la Tecnología (FECYT)
“Data Center Incentive Programs and Water Uncertainty”
Santiago de Compostela, 23 de outubro, 12:00 h (CET) Ana Espinola é profesora na School of Economic Sciences da Washington State University, investigadora distinguida no Departamento de Análise Económica da Universidade de Valencia e coeditora xefa de Environmental and Resource Economics (ERE) e International Review of Environmental and Resource Economics (IRERE). A súa investigación céntrase na Economía Ambiental, na Teoría dos Xogos e na Organización Industrial. Estuda os efectos estratéxicos da regulación ambiental sobre as empresas e os consumidores, así como a xestión de recursos de dominio común, a adaptación ao cambio climático, o papel de sinalización das etiquetas ecolóxicas baixo incerteza e a interacción de múltiples axencias reguladoras nas decisións de fusión. No traballo teórico que presentará neste seminario, Espinola explora o impacto dos subsidios entregados aos data center cando existe incertidume no inventario de augas. Para participar no seminario, elixe a túa modalidade:- PRESENCIAL: Santiago de Compostela. Fac. CC. Económicas e Empresariais da USC.
- ONLINE: ECOBAS Academy (vía Teams). Imprescindible REXISTRO previo aquí.
- Recibirás un email de confirmación cos datos de acceso.
- Recomendamos realizar o rexistro alomenos con 15 minutos de antelación.
Vigo, 22 de outubro, 2026
O consorcio transfronteirizo do proxecto BIO_TRANSFER_GNP liderado por ECOBAS organiza o workshop formativo «De residuo a recurso: valorización de subprodutos alimentarios en clave BioCircular» o vindeiro 22 de outubro no Campus Universitario de Vigo.
Aplicada a retos concretos do sector agroalimentario, a xornada abordará contidos especializados, testemuñas reais de empresas e unha dinámica participativa na que poderás probar unha ferramenta baseada en Intelixencia Artificial para traballar sobre o Mapa de Recursos na eurorrexión.
🙋🏼 PÚBLICO DESTINATARIO:
Empresas, centros de coñecemento, personal investigador e outros axentes do ecosistema BioCircular de Galicia e Norte de Portugal
📍 PRESENCIAL 🙋🏻 AFORO LIMITADO
📝 Solicita a túa INSCRICIÓN AQUÍ
📥 Descarga o PROGRAMA (PDF)
en cifras
PROGRAMACIÓN
EVENTOS
PRÓXIMOS EVENTOS
INVESTIGACIÓN
ECOBAS conta cunha axenda de investigación plenamente aliñada cos Obxectivos do Desenvolvemento Sostible (ODS), enfocada nos retos globais ós que ten que facer fronte a sociedade: o cambio climático, a desigualdade, as políticas económicas, a innovación, a saúde…
RELACIÓN COA CONTORNA
ECOBAS ten a misión de converterse nun motor de cambio a través da xeración de coñecemento de calidade, axudando a resolver os problemas e necesidades da sociedade, contando cunha nutrida traxectoria de traballo e colaboración cunha ampla variedade de axentes.
FORMACIÓN
O capital humano é un piar fundamental para calquera organización, e cobra máis importancia se cabe no eido da investigación e o desenvolvemento. Dende ECOBAS promovemos tanto cursos de posgrao (doutoramento e mestrado) coma outro tipo de actividades formativas de interese, destinadas á comunidade universitaria e á sociedade en xeral.
