VITICULTORES MARTÍN CÓDAX S. Coop. Galega: Juan Vázquez Gancedo (Director xeral)
Martes 23 de novembro ás 17:30h (CET)
LOCALIZACIÓN: Bodegas Martín Códax (Cambados)
—————————
Nesta ocasión trátase dunha xornada especial na que teremos actividades ó longo de toda a tarde.
Para asistir será preciso inscribirse a través do enlace que atoparás ó final desta páxina e as prazas serán asignadas por estrita orde de inscrición. Unha vez completadas, habilitarase unha listaxe de agarda por se houbera algunha cancelación.
O programa da xornada será o seguinte:
- 17.30 h: Relatorio de Juan Vázquez Gancedo, director xeral da Sociedade Cooperativa de Viticultores Matín Códax dende 1995. Vázquez Gancedo é, ademais, profesor no Máster en Dirección e Xestión de Comercio Exterior da Universidade de Santiago de Compostela, e no Máster de Viticultura e Enoloxía da Universidade Politécnica de Madrid.
- 18.30h: Visita ás bodegas e cata de viños de colleita propia
- 19.45: Degustación dun pequeno ágape nas propias instalacións da bodega. Haberá opcións veganas e/ou vexetarianas, e para persoas con algunha intolerancia alimentaria, para o que será preciso indicar estas particularidades ó facer a inscrición.
Para facilitar o desprazamento a Cambados temos previsto un servizo de autobús totalmente gratuíto con saída dende A Coruña, Santiago de Compostela, Vigo e Pontevedra para as persoas que queiran asistir, e que previamente así o soliciten ó facer a súa inscrición.
Nesta ocasión o seminario non será retransmitido, polo que so se poderá asistir presencialmente.
Lembramos que é obrigatorio inscribirse previamente, antes do 17 de novembro, a través do formulario habilitado para tal fin. ¡Non quedes sen a túa praza!
Inscríbete aquí.
Nos arquivos adxuntos atoparás unha breve biografía do relator, así coma os horarios previstos para os desprazamentos dende A Coruña/Santiago e Vigo/Pontevedra.
