A Comisión de Avaliación da Convocatoria 2025 de Axudas para a mobilidade do persoal investigador adscrito a ECOBAS publica con data 22 de setembro de 2025 a resolución de concesión conforme ás solicitudes recibidas.

A presente convocatoria conta co financiamento de fondos FEDER procedentes das axudas para a concesión da acreditación de excelencia e para o apoio aos centros de investigación do SUG.

O seu obxectivo é o de co-financiar os desprazamentos do persoal investigador vinculado ao centro e que sexan realizados promocionando ou desenvolvendo as liñas estratéxicas da Axenda Científica de ECOBAS, e contribuíndo ao impulso da proxección e prestixio científico de ECOBAS como centro de investigación.