Aínda que moitos dos nosos stands están xa ocupados como resultado da convocatoria do 2020, que tivemos que adiar por mor da COVID-19, a reubicación de datas supuxo que 8 dos 36 emprendementos seleccionados mostrasen a súa imposibilidade de asistir este ano por diversos motivos, polo que decidimos abrir unha convocatoria extraordinaria especialmente dirixida a persoas emprendedoras valentes que puxeron en marcha a súa empresa en plena pandemia (entre 2019 e 2021).

Este novo proceso de recepción de candidaturas estará aberto entre o 28 de xuño e o 4 de xullo e, respondendo a unha petición máis que repetida nas anteriores edicións, tamén estará aberto a todos aqueles emprendementos que xa participaron en pasadas edicións do evento e que presenten unha innovación destacable que lles permitira afrontar con éxito a situación xerada pola COVID-19.

Que buscamos con este mail?

• Que presentes a túa candidatura se te atopas nun dos casos mencionados anteriormente.
• Que reenvíes este mail ás persoas emprendedoras que se atopan entre os teus contactos que creas que poidan estar interesadas en participar no Pont-Up Store 2021.