20 anos de GEM Galicia. O estudo do emprendemento na nosa comunidade cumpre dúas décadas e reúne a múltiples miradas expertas o vindeiro 28 de novembro no Mosteiro de Santo Estevo de Rivas de Sil. Alí estarán, entre outros, os membros de ECOBAS que á súa vez son parte integrante do equipo de investigación GEM-Galicia. 

A directora técnica do informe GEM Galicia e investigadora de ECOBAS, Isabel Neira, será a encargada de presentar, xunto á directora do equipo GEM-Galicia, a profesora da USC Loreto Fernández, o Informe Especial GEM Galicia 2024-2025, un percorrido pola evolución e as chaves do emprendemento galego, nunha xornada especial de aniversario que porá en valor o potencial de emprendemento da nosa comunidade.

Ultreia Galicia, contexto e punto de encontro para todo o ecosistema emprendedor, actuará como espazo integrador, creado para recoñecer e dar visibilidade e participación aos múltiples eventos e iniciativas que xa existen neste eido.

• CONSULTAR PROGRAMA

INFORMACIÓNS PRÁCTICAS

• Información completa do evento na web oficial: ULTREIA GALICIA
• INSCRICIÓN para asistencia PRENSENCIAL, AQUÍ.
• DATA: Venres 28 de novembro, 2025
• HORARIO: de 9.30 a 17.30 h.
• LUGAR: Mosteiro de Santo Estevo de Rivas de Sil. 32164 O Covelo, Ourense.
• ORGANIZA: Xunta de Galicia