Ourense, 14 de outubro, 2026

O consorcio transfronteirizo do proxecto BIO_TRANSFER_GNP liderado por ECOBAS celebra a xornada de presentación do «Mapa de recursos para a Economía Circular na eurorrexión Galicia-Norte de Portugal» o 14 de outubro no Campus As Lagoas de Ourense.

Nesta sesión, as persoas participantes coñecerán a ferramenta de intelixencia artificial desenvolvida polo consorcio para identificar oportunidades de acción en economía circular cos subprodutos da cadea de valor agroalimentaria.

Esta ferramenta dixital, deseñada para contribuír á transición cara un modelo produtivo circular e descarbonizado, cuantifica e caracteriza subprodutos industriais da cadea de valor dos alimentos para facilitar a simbiose e a xeración de biocompostos de alto valor engadido mediante intelixencia artificial.

🙋🏼 PÚBLICO DESTINATARIO:

Empresas, centros de coñecemento, personal investigador e outros axentes do ecosistema BioCircular de Galicia e Norte de Portugal

📍 PRESENCIAL 🙋🏻 AFORO LIMITADO