Baixo o lema Educación transformadora para unha sociedade interconectada e un mundo equitativo, por primeira vez se celebra en España a STAR Global Conference, un evento de prestixio mundial que terá lugar os vindeiros 9 e 10 de outubro na cidade de Vigo, concretamente na sede de Afundación.

Organizada pola Star Scholars Network e a Cátedra Unesco-UVigo e coa colaboración de ECOBAS, entre outras entidades, esta conferencia ofrece un lugar de encontro para académicos e profesionais de todo o mundo para discutir estudos científicos e profesionais innovadores que apoian a práctica educativa transformadora para fomentar o seu crecemento profesional e as súas achegas á sociedade.

Entre o elenco de relatores deste simposio atópanse Uttam Gaulee, presidente de STAR Scholars Network; Francisca Fariña, presidenta da Cátedra Unesco-UVigo; Krishna Bista, vicepresidenta de STAR Scholars Network; Luisa Márquez, coordinadora nacional de Unesco Associated Schools Network; e Elena de Prada, organizadora do congreso e profesora do Departamento de Filoloxía Inglesa, Francesa e Alemá da Universidade de Vigo.

Clica aquí para acceder á web oficial da Star Global Conference 2023 e coñecer o programa completo do encontro.