Como parte do traballo da Cátedra CECOCIB Economía da Ciberseguridade USC-INCIBE, mañá xoves 23 de outubro ás 11:00 h terá lugar a presentación dos resultados dos barómetros realizados a empresas e cidadanía no marco do Espacio CIBERGalicia 2025 que se desenvolve na Cidade da Cultura de Galicia, en Santiago de Compostela.

A coordinadora de Transferencia da Cátedra CECOCIB e do Centro de Investigación Interuniversitario ECOBAS, Isabel Neira, xunto coa directora científica María Loureiro e o investigador permanente Pablo Durán serán os encargados de amosar os avances nesta liña de traballo impulsada pola Cátedra, tamén creadora do Observatorio da Ciberseguridade, co obxectivo de crear un ecosistema seguro e sostible dende o punto de vista da produción, aloxamento e tráfico de información e contido dixital por parte de cidadáns, empresas e organismos.

O programa da primeira edición do Espazo CIBER Galicia 2025 foi elaborado poñendo o foco no emprendemento tecnolóxico e a ciberseguridade con impacto real. A participación activa de startups galegas punteiras en ciberseguridade, a través de demostraciones en directo o día 22 de outubro, e a presentación dos resultados da cátedra o día 23 de outubro, son os os piares deste encontro.

Consulta AQUÍ o PROGRAMA de Espacio CIBERGalicia 2025