ECOBAS organiza unha sesión para coñecer as tendencias de investigación que están a orientar os traballos de marketing no seu cruce de camiños coa perspectiva da sostibilidade empresarial e as estratexias de responsabilidade social corporativa das organizacións empresariais.

Contaremos nesta mesa coa participación de:

• Alicia Blanco González, Catedrática de Organización e Investigación de Mercados da Universidad Rey Juan Carlos e investigadora experta en Teoría Institucional, reputación, comportamento do consumidor, sostibilidade e xestión estratégica dos activos intanxibles.
• Beatriz Palacios Florencio, Profesora Contratada Doutora da área de Marketing na Universidad Pablo de Olavide, membro do grupo de investigación Innovación y Marketing para un Entorno Global Sostenible especializada en responsabilidade social corporativa (RSC) no sector turístico.

A sesión será conducida polo director adxunto de ECOBAS e Catedrático da Universidade de Vigo, Pablo Cabanelas Lorenzo.

Descarga AQUÍ o CARTAZ do evento.

• DATA: Venres 6 de febreiro, 2026
• HORARIO: de 12 a 13.30 h.
• LUGAR: Facultade de CC. Económicas e Empresariais da Universidade de Vigo (Aula-seminario 6).
• INSCRICIÓN:
  • Solicita aquí a túa inscrición para asistencia PRESENCIAL. Aforo limitado.
  • Realiza aquí o teu rexistro previo para asistencia ONLINE en directo.