No mundo hiperdixitalizado, a ciberseguridade ten cada vez un impacto máis directo na estratexia e na operativa dos negocios e empresas, en calquera sector de actividade e independentemente do seu tamaño, volume de empregados, etc. A protección dixital, a necesidade de garantizar entornos de traballo protexidos, robustos, confiables, e polo tanto sostibles, escala posicións e xa se sitúa entre as prioridades das decisións ao máis alto nivel nas organizacións.

En atención a este desafío, e coa mirada posta en preparar á próxima xeración de profesionais que terán o cometido de salvar a fenda entre os obxectivos empresariais e a seguridade técnica na Industria 4.0., ECOBAS celebra este programa de capacitación en colaboración coa Axencia para a Modernización Tecnolóxica de Galicia, AMTEGA.

📨 Solicita aquí a túa INSCRICIÓN (gratuíta) *** Non precisas coñecementos técnicos previos

📥 Descarga o programa detallado (PDF)

Máis información e consultas: xestion@ecobas.gal