Como as universidades españolas poden ampliar a súa implicación en actividades de transferencia e chegar máis aló da comercialización do coñecemento?

Trascender a dimensión estritamente tecnolóxica e/ou económica é tamén a misión das universidades, proceso que require da intensificación e mellora da colaboración con empresas, ONGs e organizacións da sociedade civil.

ECOBAS, como parte do seu labor de contribución á transferencia do coñecemento en ciencias sociais, colabora co proxecto UTransfer na organización do seu primeiro congreso internacional.

Para analizar o estado da situación e coñecer iniciativas en marcha neste eido, ECOBAS colabora na organización desta primeira reunión das entidades involucradas no proxecto de investigación UTransfer, financiado polo Ministerio de Ciencia, Innovación y Universidades (ref. PID2023-153304OB-I00):

• Agencia Estatal Consejo Superior de Investigaciones Científicas
• Universitat de València
• Universidade de Santiago de Compostela
• Universidad de Salamanca
• Universidad Pública de Navarra
• Universidad de Zaragoza

🌐 Web oficial do I Congreso UTransfer