A rede de investigación especializada na economía da desigualdade e a análise da pobreza, EQUALITAS, celebra os vindeiros 4 e 5 de setembro o seu XI Workshop nacional.

Organizado polas investigadoras de ECOBAS Olga alonso Villar e Coral del Río, xunto co profesor Carlos Gradín, estas sesións de traballo reunirán a máis dunha vintena de persoas expertas procedentes de diversas universidades españolas para afondar en distintos aspectos estruturais da desigualdade e da relación entre a igualdade de oportunidades e a pobreza.

Asuntos como a perpetuación de patróns laborais baseados no xénero ou a segregación escolar por condición de persoa inmigrante formarán parte dun programa de dúas xornadas aberto á asistencia de participantes, previa inscrición antes do día 28 de xullo.

O XI EQUALITAS Workshop conta coa colaboración de ECOBAS e da Universidade de Vigo e o financiamento do Ministerio de Ciencia, Innovación e Universidades.