Charla de divulgación científica de ECOBAS no Festival Pint of Science

Martes 19 de Maio de 2026, 20.00h (CET)

Bar Árnica | Rúa de Herrerías – A CORUÑA

Milleiros de científicos espallarán o seu saber dende hoxe e ata o vindeiro mércores 20 de maio na rúa, nos bares, cafetarías, pubs e outros espazos públicos abertos á cidadanía. Así é como o Festival Pint of Science, no que ECOBAS volverá a estar presente un ano máis, chegará esta semana a máis de 500 cidades de 27 países arredor do mundo.

No caso de Galicia, o investigador de ECOBAS e profesor da UDC Fernando Bruna, explicará na Coruña como a ideoloxía política ademais de guiar decisións profesionais, emocionais, de hábitos, de consumo, de voto… Tamén afecta á felicidade. Será na charla titulada “Por que temos ideas de esquerdas ou de dereitas?”.

A presentación, baseada no artigo académico “Alén do egoísmo: a interacción de renda e valores humanos na ideoloxía dos europeos“, permitiranos coñecer os principais determinantes da orientación política (á esquerda ou á dereita) de 30 mil cidadáns europeos, segundo se auto-sitúen nunha escala de 0 a 10, entre os polos de esquerda e dereita. As regularidades dos datos amosan unha diversidade de perfís políticos, o que é chave para entendérmonos como individuos e como sociedades democráticas.

Bruna, Fernando (2025): Beyond selfishness: the interacting effect of income and human values on Europeans’ ideology. Applied Economics 57(51), 8471-8485.